Notices by Simon (simon@snabelen.no)

Willow er ein av mange titlar som snart forsvinn frå verda:

https://deadline.com/2023/05/disney-remove-series-streaming-disney-plus-hulu-big-shot-willow-y-dollface-turner-hooch-pistol-1235372512/

Dei fleste av desse eksisterer berre på Disney Plus, ikkje på fysisk format eller andre strøymetenester, så dette er siste sjanse.

Gjenta etter meg, barn: Fysisk format er ALLTID betre enn strøyming.

#filmprat

Ein skulle tru at Disney Plus ønska at så mykje som mogleg av katalogen sin var tilgjengeleg for publikum. Dei får jo ikkje sjåartal viss innhaldet ikkje går an å sjå, sant?

Men alt som er tilgjengeleg kostar pengar for Disney i form av honorar til skodespelarar, manusforfattarar, komponistar osv.

Det kan f.eks. vere pris per sjåartime, pris per tilgjengelege månad, eller noko anna. Akkurat det varierer frå verk til verk, men det er uhyre sjeldan at det berre er ein eingongssum.

Eg vart nysgjerrig på kor mykje av videosamlinga mi som er tilgjengeleg digitalt (lovleg), så eg har henta ut data frå JustWatch.com. Resultatet overraska meg.

Av dei rundt 2000 titlane mine – som eg meiner bør vere eit godt utgangspunkt til å byggje statistikk på – er det heile 25,21 % som ikkje er å oppdrive på nett!

Det vil seie at ¼ av alle filmane rett og slett ikkje finst lenger for dei som meiner digitalt er best.

#filmprat

Eg liker litt det at det går an å tinge emneknaggar i heimstraumen sin her. Men det kan vel bli misbrukt? Eg er ikkje så interessert i å sjå spam eller pornobotar igjen.