Notices by Ahmad :uv: (dislocate6281@techhub.social)

@ahmad
صباح الخير
كنت حابب استفسر عن قاعدة من قواعد منصتكم، في الفوتر عندك كاتب "صُنِعَ مِن أجل الحُريّة" بس في نفس الوقت عامل قوانين تناقض الادعاء ده زي "عدم استخدام الموقع لأغراض غير قانونية" و"عدم نشر أي محتوى يحتوي على شتائم أو إساءة لأي فئة من المجتمع."، فكنت حابب اسأل هل الحرية تتضمن انتقاد وسب الحكام العرب (aka الصهاينة)؟ ايضا لو فيه شخصيات معينة تعتبر مهمة او لها مكانة خاصة عند من يديرون المنصة، كبعض من يسمون انفسهم "رجال الدين"، هل دول لديهم حصانة ضد الحرية الي انت بتدعي انك بتكفلها عندك؟ زي ما انت عارف Threads خلاص على وشك انه يدخل الFediverse وبتوقع نلاقي مجتمع اكبر بكتير من الناس الي بتتحدث العربية بينضمو لمنصتك فبتمنى انك توضح النقاط دي ليهم.

نقطة مهمة حابب اوضحها: سؤالي مش هجومي ولكنه استفهامي

لو اجابة عن السؤال الي فوق "اه الاشخاص دول لا يسمح بالتحدث بالسلب عنهم" فمبروك انت نسخة من مارك وعامل سياسيات متناقضة ولازم كل الي عندك يمشو عالايدلوجيات بتاعتك والا ملهمش مكان، انا محترم طبعا ان السيرفر بتاعك ولكن انت من ادعيت انه صنع من اجل الحرية وانا شايف انه من حقي اني اسال

@ahmad
شكرا لردك السريع اولا وللشفافية ثانيا.

اذا كانت الحرية محدودة فبنفس المنطق كده واحد زي مارك مش غلطان لما بيعتم على نشر المحتوى الفلسطيني وبيمسح بس بنشر الي بيتفق مع اهدافه المادية اولا ثم العقائدية ثانيا، صحيح؟

انا ممكن اتفهم انك تمنع سب الاشخاص والمستخدمين العاديين (كمحاولة انه تتجنب حصول harassment ولكن الحكام والشخصيات العامة، خصوصا الي بالعادة اي شخص بياعديهم بيتحبس ومستقبله بيدمر (خد عندك اسماء زي السيسي، بن سلمان، بن زايد، الخ) المفروض عالاقل تسمح للناس انها تفش غلهم فيهم بدون قواعد.
مينفعش يجي واحد مثلا مقهور عشان ابوه اتحبس في سجون عبدالفتاح السيسي ويجي الشخص بيتكلم عن ابوه وفي وسط الغضب قال "كسم السيسي" فانت تعمله بان بحجة انه كده فيه شتم، انا وانت عارفين ان الدول العربية من اسوأ الدول عالارض في مؤشرات الحرية واعداد مساجين الرأي فيها بالملايين فاخر حاجة اي عربي هيجي منصتك انك تقوله متشتمش حاكم ولا انه تيجي واحدة حياتها اتدمرت بسبب تدلبس تاجر دين وتقول لها "انتقديه بادب"، مش منطقي الصراحة.

@ahmad بالنسبة للنقطة الاولى فانا هفترض انك بتتكلم بشكل عام مش بتخصني انا بالكلام ده.
كل واحد بيمثل نفسه، الجو بتاع المدارس وجو انت بتمثل اهلك مفيش منه على ارض الواقع

النقطة التانية، نقطة ممتازة جدا، وهنا يجي اختراع اسمه "البلوك"، لو في حساب بينشر حاجة مش عاجباك بكل بساطة اعمله بلوك ومش هيطلع لك منه حاجة تانية، حل بسيط.

النقطة التالتة، يا ربت نبطل شخصنة وتجيب في سيرة اهلي، بس لو بتسال بشكل عام فاه مفيش اي مشكلة ان واحدة تقرا الكلام ده، واصلا البنت تفرق ايه عن الولد في المنطلق ده؟ في بنات ورجال بيدايقو من الشتايم، حقهم طبعا وعشان كده يقدرو يعملو بلوك للي بيشتم.
وصدقني اوعدك اخر مشاكل البنات العربية بشكل عام هو قراية الشتايم، البنات العربية بتتعرض للتحرش الجنسي على مدار الساعة في الدول العربية، قراية الشتايم هي اخر مشاكلهم اساسا.
وبما انك دخلت الدين فروح اقرا القران
لا يحب الله الجهر بٱلسوء من القول الا من ظلم

ختاما، لو انت منصتك منصة مثلا بتمثل الطبقة الظاهرة من المجتمع العربي وبتاحظ على قيمه والكلام المضحك ده يبقا ملوش لزوم ادعاء "صنع من اجل الحرية" لان كل كلامك يتعارض مع الحرية